ភ្នែក មិនត្រឹមតែមានមុខងារដ៏សំខាន់នៃរាងកាយនោះទេ តែវាថែមទាំងជួយបង្កើនសម្រស់ផ្ទៃមុខទៀតផង ហេតុដូច្នេះអ្នកគួរតែយកចិត្តទុកដាក់ចំពោះសុខភាពភ្នែក។ជាពិសេស ដោយសារតែមានការរីកចំរើនផ្នែកបច្ចេកវិទ្យា បានធ្វើឲ្យមនុស្សចំណាយពេលជាច្រើនម៉ោង រៀងរាល់ថ្ងៃទៅលើ ការមើលទូរទស្សន៍ ធ្វើការនិងលេងហ្គេមមុខកុំព្យូទ័រជាដើម។នេះជាកត្តាដែលធ្វើឲ្យ ជះផលមិនល្អដល់សុខភាពភ្នែក។ ខាងក្រោមនេះជាទិចនិកដែលជួយឲ្យសុខភាពភ្នែករបស់អ្នកបានប្រសើរ ឡើង៖
១. មើលទូរទស្សន៍នៅកន្លែងមានពន្លឺ កុំមើលទូរទស្សន៍ ឬ ធ្វើការមុខកុំព្យូទ័រនៅទីងងឹត។ ត្រូវរក្សានូវតុល្យភាពពន្លឺ ព្រោះ ពន្លឺភ្លឹបភ្លែតៗ ដែលជះចេញពីកញ្ចក់ទូរទស្សន៍ អាចធ្វើឲ្យប៉ះពាល់ដល់ភ្នែក។
២. ការចូលគេងយឺតនិងការខំសម្លឹង អាចធ្វើឲ្យមានស្នាមខ្មៅជុំវិញភ្នែក ព្រមទាំងធ្វើឲ្យប៉ះពាល់ដល់សុខភាពភ្នែកយ៉ាងខ្លាំងទៀតផង។
៣.ទុកឲ្យភ្នែកបានសម្រាក ដោយយកចំណិតត្រសក់បិទលើភ្នែក ទុកក្នុងរយៈពេល១០ ទៅ២០នាទី។
៤. មាស្ស៉ា ដោយប្រើប្រេងដូងលើស្នាមខ្មៅជុំវិញភ្នែក ជាវិធីអាចជួយលុបបំបាត់ស្នាមខ្មៅនោះបាន។
វិធីមួយទៀត យកដំឡូងកិនឲ្យម៉ត់ លាយជាមួយទឹកក្រូចឆ្មារដោយប្រើបរិមាណប៉ុនគ្នា មកលាបលើចំណុចស្នាមខ្មៅ បន្ទាប់មកទុក២៥នាទី ទើបលាងចេញ។ នេះជាវិធីដ៏មានប្រយោជន៍ដើម្បីលុបបំបាត់ស្នាមខ្មៅជុំវិញភ្នែក។
៥. យកសំឡីជ្រលក់ទឹកដោះគោ មកលាបត្រង់បរិវេណខ្មៅក៏អាចជួយបំបាត់ស្នាមខ្មៅបានដែរ។
៦. លុបមុខដោយប្រើទឹកអំបិល អាចជួយឲ្យភ្នែកស្រលះនិងមានពន្លឺស្រស់ស្រាយ។
0 comments:
Post a Comment